ulTī ho ga.iiñ sab tadbīreñ kuchh na davā ne kaam kiyā <br /><br />dekhā is bīmāri-e-dil ne āḳhir kaam tamām kiyā <br /><br />ahd-e-javānī ro ro kaaTā piirī meñ liiñ āñkheñ muuñd <br /><br />ya.anī raat bahut the jaage sub.h huī ārām kiyā <br /><br />harf nahīñ jāñ-baḳhshī meñ us kī ḳhūbī apnī qismat kī <br /><br />ham se jo pahle kah bhejā so marne kā paiġhām kiyā <br /><br />nāhaq ham majbūroñ par ye tohmat hai muḳhtārī kī <br /><br />chāhte haiñ so aap kareñ haiñ ham ko abas badnām kiyā <br /><br />saare rind aubāsh jahāñ ke tujh se sujūd meñ rahte haiñ <br /><br />bāñke TeḌhe tirchhe tīkhe sab kā tujh ko imaam kiyā <br /><br />sarzad ham se be-adabī to vahshat meñ bhī kam hī huī <br /><br />kosoñ us kī or ga.e par sajda har har gaam kiyā <br /><br />kis kā ka.aba kaisā qibla kaun haram hai kyā ehrām <br /><br />kūche ke us ke bāshindoñ ne sab ko yahīñ se salām kiyā <br /><br />shaiḳh jo hai masjid meñ nañgā raat ko thā mai-ḳhāne meñ <br /><br />jubba ḳhirqa kurtā Topī mastī meñ in.aam kiyā <br /><br />kaash ab burqa muñh se uThā de varna phir kyā hāsil hai <br /><br />aañkh muñde par un ne go dīdār ko apne aam kiyā <br /><br />yaañ ke sapīd o siyah meñ ham ko daḳhl jo hai so itnā hai <br /><br />raat ko ro ro sub.h kiyā yā din ko juuñ tuuñ shaam kiyā <br /><br />sub.h chaman meñ us ko kahīñ taklīf-e-havā le aa.ī thī <br /><br />ruḳh se gul ko mol liyā qāmat se sarv ġhulām kiyā <br /><br />sā.ad-e-sīmīñ donoñ us ke haath meñ lā kar chhoḌ diye <br /><br />bhūle us ke qaul-o-qasam par haa.e ḳhayāl-e-ḳhām kiyā <br /><br />kaam hue haiñ saare zaa.e.a har saa.at kī samājat se <br /><br />istiġhnā kī chaugunī un ne juuñ juuñ maiñ ibrām kiyā <br /><br />aise āhu-e-ram-ḳhurda kī vahshat khonī mushkil thī <br /><br />sehr kiyā e.ajāz kiyā jin logoñ ne tujh ko raam kiyā <br /><br />'mīr' ke dīn-o-maz.hab ko ab pūchhte kyā ho un ne to <br /><br />qashqa khīñchā dair meñ baiThā kab kā tark islām kiyā <br /><br />الٹی ہو گئیں سب تدبیریں کچھ نہ دوا نے کام کیا <br /><br />دیکھا اس بیماری دل نے آخر کام تمام کیا <br /><br />عہد جوانی رو رو کاٹا پیری میں لیں آنکھیں موند <br /><br />یعنی رات بہت تھے جاگے صبح ہوئی آرام کیا <br /><br />حرف نہیں جاں بخشی میں اس کی خوبی اپنی قسمت کی <br /><br />ہم سے جو پہلے کہہ بھیجا سو مرنے کا پیغام کیا <br /><br />ناحق ہم مجبوروں پر یہ تہمت ہے مختاری کی <br /><br />چاہتے ہیں سو آپ کریں ہیں ہم کو عبث بدنام کیا <br /><br />سارے رند اوباش جہاں کے تجھ سے سجود میں رہتے ہیں <br /><br />بانکے ٹیڑھے ترچھے تیکھے سب کا تجھ کو امام کیا <br /><br />سرزد ہم سے بے ادبی تو وحشت میں بھی کم ہی ہوئی <br /><br />کوسوں اس کی اور گئے پر سجدہ ہر ہر گام کیا <br /><br />کس کا کعبہ کیسا قبلہ کون حرم ہے کیا احرام <br /><br />کوچے کے اس کے باشندوں نے سب کو یہیں سے سلام کیا <br /><br />شیخ جو ہے مسجد میں ننگا رات کو تھا مے خانے میں <br /><br />جبہ خرقہ کرتا ٹوپی مستی میں انعام کیا <br /><br />کاش اب برقعہ منہ سے اٹھا دے ورنہ پھر کیا حاصل ہے <br /><br />آنکھ مندے پر ان نے گو دیدار کو اپنے عام کیا <br /><br />یاں کے سپید و سیہ میں ہم کو دخل جو ہے سو اتنا ہے <br /><br />رات کو رو رو صبح کیا یا دن کو جوں توں شام کیا <br /><br />صبح چمن میں اس کو کہیں تکلیف ہوا لے آئی تھی <br /><br />رخ سے گل کو مول لیا قامت سے سرو غلام کیا <br /><br />ساعد سیمیں دونوں اس کے ہاتھ میں لا کر چھوڑ دیئے <br /><br />بھولے اس کے قول و قسم پر ہائے خیال خام کیا <br /><br />کام ہوئے ہیں سارے ضائع ہر ساعت کی سماجت سے <br /><br />استغنا کی چوگنی ان نے جوں جوں میں ابرام کیا <br /><br />ایسے آہوئے رم خوردہ کی وحشت کھونی مشکل تھی <br /><br />سحر کیا اعجاز کیا جن لوگوں نے تجھ کو رام کیا <br /><br />میرؔ کے دین و مذہب کو اب پوچھتے کیا ہو ان نے تو <br /><br />قشقہ کھینچا دی
